உழைப்பே உயர்வு

கண்ணுக்குள் கனவாய் 

கவிழ்ந்து கிடந்ததெல்லாம் 

கவினுலகில் நனவாய் 

மாறி ஒளிரட்டும் !

நெஞ்சுக்குள் பாரமாய் 

நிறைந்து கிடந்ததெல்லாம் 

காற்றினில் மூச்சாய் 

கலந்து மறையட்டும் ! 

பஞ்சமில்லை - யாரும் 

பாவமில்லை - பாரதத்தில்

ஏழையென்று ஒருவர் 

எவருமில்லை என்ற நிலை வரட்டும் !

முட்டுக்கட்டை யாய் கிடந்ததெல்லாம் 

ஏணிப்படிகளாய் மாறட்டும் !

பாதை மறைத்த பாறைகளெல்லாம் 

படிக்கற்களாய் மாறட்டும் !

சுற்றி வந்த காற்றும் நமக்குக் 

கட்டுப்பட்டுக் கிடக்கட்டும் !

எடுத்து வைத்த எட்டிலெல்லாம் 

வெற்றிப்பூக்கள் மலரட்டும் !

வியர்வைத் துளிகளால் வந்த வாழ்வு 

விடை பெறாமல் இருக்கட்டும் !

என்றும் வெற்றி நமதாக 

தெய்வம் துணை இருக்கட்டும் !