போரெனும் போதினிலே ... !

சுற்றும் பூமியும் சுழலும் காற்றும்

நின்றே போய்விடும் - இனி நின்றே போய்விடும்

வளரும் மரமும் புரளும் அலையும்

மறைந்தே போய்விடும் - இனி மறைந்தே போய்விடும்

வீசு தென்றலும் குளிர் பனியும்

புயலாய் மாறிடும் -வெம் புயலாய் மாறிடும் 

போரெனும் அரக்கன் பூமியில் தொடர்ந்தால்

அழிந்தே போய்விடும் - உயிர்க்குலம் அழிந்தே போய்விடும்

அணுவைத் துளைத்தாள் அவ்வை என்றால் - இன்று 

அணுவால் துளைத்தான் நம்மை யெல்லாம் !

வாய் விட்டுச் சிரித்தால் நோய் விட்டுப் போகும் - ஆனால்

வாய்விட்டு அழுதோம்  போரெனும் நோய் விட்டுப் போக !

சாதிக்கத்தானே நாம் பிறந்தோம் - வீணாய்

சண்டையிட்டு சாவதேன் நமக்குள்ளே ?

நாடென்று ஒரு கோட்டை யார் போட்டது? - அது 

நமக்குள்ளே நாம்தானே போட்டு வைத்தது ....

கோடுகளை அழித்துவிட்டு நாம் கூட்டுவோம் - பல

கோபுரங்கள் காத்திருக்கு நமக்காகவே !